Продуцентското друштво „САРОШ„ на 15 Декември 2015 година го започна процесот на формирање на новиот „САРОШ УНИВЕРЗИТЕТ„, со одржување на првиот состанок со заинтересираните научни, културни и општествествени субјекти. Беше презентирана програмата за формирање и развој на новиот универзитет. Ви изминатите две години работевме интезивно на развивање на идеата, развивање на тимот и подготвување на услови за формирање и акредитација на новиот универзитет. Подготовките се во завршна фаза и официјалната процедура ќе започне до крајот на 2017 година. Во насока на создавање амбиент за развој на новиот универзитет, Продуцентското друштво „САРОШ„ покрена иницијатива по што беше формирана платформата за неформално образование САРОШ ОТВОРЕН УНИВЕРЗИТЕТ. Оваа платформа мобилизира автохтони научници и искусни личности од уметничкиот, културниот, општествениот и деловниот живот во насоки на развој на науката, развој на образованието и нудење сет од програми и во областа на неформалното образование. Со неформалното образование Продуцентското друштво „САРОШ„ ќе започне во учебната 2017/18 година, преку реализацијата на трите програми на неформално образование; „УНИВЕРЗИТЕТ ЗА ДЕЦА И МЛАДИ„, „ЈАС СТАНУВАМ ЧОВЕК„ и „МАЈСТОРИТЕ УЧАТ ОД МАЈСТОРИ„. Во широката едукативна платформа се вклучени; Македонскиот Центар за Култура и Развој, Театарска Младина на Македонија, СКОПЈЕ-МЕТРОПОЛА - Здружение за развој на градот Театар „БОЕМИ„ - Скопје и ФК „Даме Груев„ - Скопје, со своите програми и активности во Република Македонија како и со програми и проекти кои произлегуваат од нивното членство во меѓународните организации и асоцијации. Сите вклучени субјекти - поединци и организации се составен дел на ПРОЕКТНИОТ ЦЕНТАР, форма на работа на платформата активна во зајакнувањето на општествената одговорност и граѓански иницирани и реализирани проекти. Сите вклучени субјекти во едукацијата на отворениот универзитет ќе можат да се вклучат во работата и проектите на ПРОЕКТНИОТ ЦЕНТАР.

Како интегрален дел на идниот универзитет, по неговото формирање и акредитација ќе бидат формирани и институт, средно училиште, основно училиште и градинка.