SEE FOOTBALL, „види фудбал„ во себе го крие и кодот South-East European Football, односно Фудбалот во Југоисточна Европа. Овој проект е насочен кон долгорочен развој на фудбалот во овој дел на Европа и ги опфаќа следните земји; Словенија, Хрватска, Унгарија, Романија, Србија, Босна и Херцеговина, Црна Гора, Косово, Македонија, Грција, Албанија и Бугарија. Носител на проектот е платформата САРОШ ОТВОРЕН УНИВЕРЗИТЕТ и предвидува формирање и развој на регионално првенство на националните репрезентации, регионална лига, регионален фудбалски развој и регионална фудбалска репрезентација. Како партнери во проектот се поканети Претседателите на Државите и Претседателите на Владите на опфатените земји. Основна цел на проектот е градење на меѓусебна доверба и славење на животот.