Продуцентското друштво „САРОШ„ во соработка со Македонскиот Центар за Култура и Развој, Театарска Младина на Македонија, СКОПЈЕ-МЕТРОПОЛА и Театар „БОЕМИ„, како свој проект, ја формира платформата за неформално образование САРОШ ОТВОРЕН УНИВЕРЗИТЕТ како форма за овозможување врвно неформално образование за секој граѓанин на Република Македонија. Платформата САРОШ ОТВОРЕНИОТ УНИВЕРЗИТЕТ ја започнува својата работа преку понудата на три програми за неформално образование; „АКАДЕМИЈА ЗА ДЕЦА И МЛАДИ„, „ЈАС СТАНУВАМ ЧОВЕК„ и „МАЈСТОРИТЕ УЧАТ ОД МАЈСТОРИ„. Оваа платформа е прв чекор во создавањето амбиент за спроведување на вкупната процедура на формирање и акредитација на новиот универзитет. Вкупната работа и активности на платформата ќе бидат насочени кон нудење на врвни програми за неформално образование, како и за регрутирање на наставен кадар и спроведување на сите неопходни активности и создавање на сите услови неопходни за акредитација и почеток со работа на новиот универзитет. Претставник и застапник на платформата кон трети лица е Продуцентското друштво „САРОШ„ дооел - Скопје а програмите и проектите се реализираат во рамките на дрштвото во соработка со соодветната организација, член на платформата.